दुखद खबर। बरिष्ठ न्यूरो सर्जन डा. उपेन्द्र देबकोटा मृत्युको शैप्यामा

बाँसबारीस्थित न्यूरो अस्पतालको आइसियु कक्षमा उपचार गरिरहेका बरिष्ठ न्यूरो सर्जन डा. उपेन्द्र देबकोटा मृत्यु शैप्यामा रहेको बुझिएको छ । देवकोटालाई भेट्न मंगलबार विहान अस्पताल पुगेका माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टी मुख्यालय पेरिसडाँडामा पार्टी हेडक्वार्टर बैठकमा उक्त कुरा सुनाएका हुन् । बैठकमा प्रचण्डले भने, ‘डा देबकोटा अहिले ‘डेथबेड’ मृत्युशैयामा हुनुहुन्छ, मैले उहाँलाई भर्खरै भेटेर आएँ । उहाँले एमाले–माओवादी केन्द्रबीच एकता भएको देख्न चाहन्छु भन्नुभएको छ । उहाँको चाहना हामीले पुरा गर्नुपर्छ ।’ मृत्यु शैप्यमा रहेका देवकोटाले प्रचण्ड देख्ने बित्तिकै भावुक बने र प्रचण्ड पनि उनको त्योहालत देखेर त्यसै भावुक बनिहाले ।प्रचण्डसँग केही समय कुरा गर्दै डा देवकोटाले भने, ‘प्रचण्डजी, बेलायतमा मेरो उपचार सम्भव नभएपछि आफ्नै देशमा प्राण त्याग्छु भनेर नेपाल फर्केको हुँ ।’देवकोटाको भनाई सुन्दै प्रचण्ड छाँगाबाट खसेजस्तै भए र तत्काल जवाफ फर्काइहाले, ‘यस्तो होला भन्ने मैले सोचेको पनि थिइन, तपाईंले नै यस्तो भन्नुभयो, पत्याउनै पर्योक । तर तपाईंलाई यस्तो होला भन्ने कुरा मैले कल्पना नै गरेको थिइन । यस्तो होला भन्ने मैले सोचेको पनि थिइन ।’ प्रचण्डले डा देवकोटाको भनाई जोड्दै पार्टी एकताबारे हेर्डक्वार्टर बैठकमा ब्रिफिङ गरे । प्रचण्डले भनेका थिए, ‘पार्टी एकता गर्न लाग्नुभएको छ, एकतापछिका चुनौतिहरु थुपै्र छन्, तर एमाले–माओवादी केन्द्रबीचको एकताबाट मुलुकमा केही गर्न सकिने राम्रो सम्भावना छ, जति चाँडो एकता गर्नुपर्छ, म एमाले–माओवादी केन्द्रबीचको एकता भएको आफैले देख्न चाहन्छु, त्यसै भएर गत चुनावमा म वामगठबन्धनलाई जिताउन खटिएको हुँ ।’ डा. देबकोटाले एकता प्रक्रिया छिटो टुङ्ग्याउन आग्रह गर्दै भने, ‘नेपालका सबै कम्युनिष्टहरुबीच एकता होस्, देश अग्रगमनतिर जाओस्। मेरो अन्तिम चाहना यही हो ।’
पार्टी छिटो एकता होस् भन्ने डा. देबकोटाको चाहना बुझेपछि प्रचण्डले भने, ‘ओलीजी र म छलफल गरेर अगाडि बढेका छौं। निश्चिन्त रहनोस, एमाले–माओवादी केन्द्रबीच एकता हुन्छ।’ त्यसपछि डा देबकोटाले आफूले स्थापना गरेको न्यूरो अस्पतालका बारेमा कुरा गरे । भने, ‘तपाईंकै अविभावकत्वमा यो अस्पताल यहाँसम्म आइपुगेको हो, म रहेपनि नरहेपनि यो अस्पताललाई तपाईंको अविभावकत्व चाहिन्छ ।’ प्रचण्डले जवाफ दिए, ‘सकेको सहयोग गरेको छु । फेरिपनि गरौंला ।’ डा. देबकोटालाई भेट्न प्रचण्ड पार्टीका बरिष्ठ नेता नारायणकाजी श्रेष्ठ, स्वकीय सचिव जोखबहादुर महरा र प्रेस संयोजक बिष्णु सापकोटासहित बाँसबारी पुगेका थिए । काठमाण्डौं टुडेमा समाचार छ ।